Fyrirtaks helgi

Fékk mjög góða heimsókn um helgina, Árni Jón stórvinur kíkti um helgina til hólmsins og við skemmtum okkur konunglega, hélt partí á föstudaginn og síðan farið á hinn aðlaða stað Aladin sem var mjög furðulegur án þess þó að fara út í það nánar, á laugardaginn farið á gimstein skemmtistaða í Stokkhólmi, Café Opera sem er ótrúlega flottur staður en ýfið vel kynntur, fólk var næstum bert þarna inni, fengum fyrirtaks salat af beinskeyttum Finna sem rekur veitingastað við hliðina á staðnum.  Annars leigði ég sport blæjubíl, BMW Z4 sem kom í góðar þarfir þegar sýna á bestu hliðar borgarinnar.

Eyrún sýndi með hópnum sínum fyrir fullu húsi ballett og ég sat tárvotur af stolti og horfði á stúlkuna sem sýndi mikla hæfileika enda faðirinn útskólaður í dansi eftir kúrsinn í Jassballettskóla Báru 1984 þar sem aumingja kennarinn lagðist á gólfið af hlátri.  Stúlkan vex og dafnar sem aldrei fyrr, ein laus neðri tönn og ég get varla lyft henni yfir axlirnar á mér lengur.  Hún er farin að hlakka til að koma til Íslands í sumar og fara á hestbak með  Ömmu Öllu og Sögu frænku.

 

 


Rhegmatogenous Retinal Detachment

rd

 

Jæja, sumarið að bresta á og þess vegna algerlega brjálað að gera í vinnunni, ekki bara vegna sumarleifa heldur vegna aukinnar birtu  og sólar sem svo orsakar aukinn fjölda sjónhimnulosa (Retinal detachment) sem krefjast aðgerðar og það strax.  Fyrir leikmenn getur maður sagt að ef einstaklingur fær einkenni sem samanstanda af ljósblossum, hreyfanlegum þráðum og svo svörtum skugga í sjónsviðinu sem ekki hverfur á hinn sami að leita augnlæknis sama dag ef auðið er.  Retina er stórskemmtilegt en mjög viðkvæmt og fallegt líffæri sem tekur á móti ljósi og flytur þau sem rafboð til heilans þar sem úr þeim er byggð mynd.  Ef maður opererar ekki sjónhimnulos verður augað nær alltaf alveg blint.  Oftast nægir að skera einu sinni og ef Macula lossnar ekki fæst oft jafngóð sjón og áður.  2 megin týpur af aðgerðum,

1) Scleral buckling: silikon band og silikon "koddi) sett í kringum augað og hert að þ.a. augað lengist eilítið, ekki farið með tæki og tól inní augað

2) Pars Plana Vitrectomy: með tækjum og tólum er glerhlaupið tekið úr auganu, vatn, loft, gas eða silikonolía sett í staðin, fer eftir hversu flókin aðgerðin þarf að vera.

Þessar aðgerðir eru nær einungis framkvæmdar á Háskólasjúkrahúsum og því Landspítalinn heima sem sinnir þessu.  Ekkert sem maður getur gert til að minnka líkur á þessum kvilla, þeir sem eru nærsýnir eru í meiru hættu svo og þeir sem fá einhvers konar slys á auga.

Biðst afsökunar á þessum nördaskap, get ekki gert að þessu.


Don´t do the crime if you´re not ready to do the time

Hef því miður fylgst alltof lítið með málum á landinu, auðsöfnun landans athyglisverð og soldið heillandi, mikilvægt að Jón og co muni....Don´t do the crime if you´re not ready to do the time,  fór á netið og sá gamla Vökufélaga minn Bjarna Ármannsson fá rausnarlegan starfslokasamning, síðan tekið útiskot frá Glitni sem sýndi Porsche Cayenne og Audi Q8, silfurhærðan þrítugan forstjóra og stíllegan formann stjórnar í fötum sem "kostar skjortan".  Lægstu tekjur frá Tryggingastofnun fyrir skatt eru 126.000,, allt saman soldið absúrt
mbl.is Stjórn Baugs lýsir eindregnum stuðningi við Jón Ásgeir
Tilkynna um óviðeigandi tengingu við frétt

Gleði, gleði, gleði, gleði alla tíð

Ó þvílík hamingja....Liverpool komið í úrslit UEFA.  Ég, Diddi og Mario sátum á Ol´earys í gær og "hejuðum" á Liverpool, enn í fersku minni leikurinn fyrir 2 árum þegar ég horfði einn og öskrandi á leikinn, Vaka gekk í kringum mig áhyggjufull allan leikinn, hundseðlið sagði henni eflaust að ég þjáðist af botnlangabólgu eða dílíku.

Utvecklingssamtalið gekk vel, alveg eins og fjármálaráðherra Svíþjóðar byrjar prófessorinn alltaf sín svör á "nej" sem á víst að vera sniðugt ef maður vill semja sér í hag, svona er reyndar farið með öll mannleg samskipti hvort sem er í prívat lífi, stjórnmálum o.s.frv. þá er "discussion" artform þar sem maður reynir að vinna argument sér í hag og samskipti fullorðins fólks því eins og "þroskuð" Morfís keppni.   Það finnst nokkuð sem heitir Dialog en þá skipta  2 einstaklingar með sér hugmyndum án þess að reyna vinna eitthvað sér í hag en það er sjaldan sem maður rekst á það umræðuform.  Fékk vilyrði om tvöfalda launahækkun á við hina, sennilega að þakka mikilli mælsku minni  á sænskri tungu og ekki skemmir útlitið fyrir, mörgum þykir ég minna á evrópsku útgáfuna af Brad Pitt.

Hörður Bender og Þórunn Jónsd ætla að halda kosninga/Eurovision partí, geisilega skemmtileg hjón og höfðingjar heim að sækja og síðasta kosningapartíið líflegt með hreinni einræðu frá Sigurði Yngva um gildi samkenndar og ábyrgrar hegðunar og mærði hann Guðmund Steingrímsson sem framtíðar fulltrúa yngri kynslóðarinnar á Alþingi. 

Annars allt gott að frétta af Svíþjóð, mikill hagvöxtur, Stokkhólmur þenst út, lítið um erjur, flestir byrjaðir að hugsa sér til hreyfings hér í skerjagarðinum.


Utvecklingssamtal

Á morgun fer ég í svokallað utvecklingssamtal hjá prófessornum, 20 mínútur af samtali um mig í stærra samhengi.  Allar mínar fyrri tilraunir til að fá alvöru kauphækkun hafa ekki gengið, Sigga Más,  kollega, landsmaður og vinur fékk í sínu viðtali upplýsingar um að hún væri ekki í launaviðtali heldur  launaupplýsingum og ætti að vera fegin að fá að vinna á heilögum Eiríki.

Ef maður "utvecklas" ekki þá "avvecklas" maður, þ.e.a.s vanþróast á okkar tungu....ég vona að ég sé að þróast.

Eyrún eignaðist "Singstar" og kann núna lög með Carolu og fleiri sænskum snillingum en fyndnast er þó að heyra hana syngja á ensku með hreim og fylla í skörðin með nýmælgi, alger snilld.  Opið hús hjá henni í skólanum í gær, ég hafði flýtt mér eins og skollinn í vinnunni, ætlaði að hlaupa út kl 15:30 en læsti mig inni í stigagangi (gleymdi öryggiskortinu í sloppnum) og þurfti að hringja á hjálp við að opna og hljóp svo að sjálfsögðu beint í fangið á klíniksjéffanum, sagði eitthvað óskiljanlegt við hann og náði svo lest sem var svo 40 mín of sein og eftir það bið eftir leigubíl sem lét líka bíða eftir sér.  Missti því að sjálfsögðu af söngatriði dótturinnar. 

Annars er 25 stiga hiti, sól og blíða, mæli með Stokkhólmi, Spánn er of heittgamla-stan


föt, píanó og Orri

Atburðalitlir tímar, hjálpaði Sigurdi Yngva med fjandans píanó í gærkvöldi, hann kalladi okkur 3 til hjálpar, Einar Gunnar mætti full fiðraður í vinnugalla, Helgi lítur alltaf út eins og karl í krapinu, Sigurður klæddi sig líka niður en ég var sá eini sem var á lakkskóm eins og misheppnaður akademiker að fást við veraldleg vandamál enda var mér flótlega ýtt til hliðar (flytta på dig Jóhann). Ekki jókst hróður minn heldur þegar ég lenti í tæknilegum örðugleikum með lyftarann á flutningabílnum og "velti næstum píanóinu" eins og Sigurður svo fínlega orðaði það. 

Lendi ennþá í þeirri árans aðstöðu að kaupa föt í öðrum stærðum, keypti mér skyrtu um daginn og naut hjálpar liðlegrar afgreiðslustúlku sem sagði að hún færi mér mjög vel.  Ég var sammála því og ákvað að kaupa hana en þá kom hún líka með eitthvað vesti sem hún tróð upp á mig og sagði að ég væri mjög myndarlegur einmitt í vestinu (þrátt fyrir að ég gæti bara hneppt 3 efstu tölunum), keypti vestið að sjálfsögðu líka og geymi það núna í skúffu, minnist Fóstbræðrasenurnar þegar Jón Gnarr er skilinn eftir fyrir utan fatabúðina og þvælist inn í hana og kemur út klæddur eins og viðrini.  Ætla aldrei aftur að hlusta á afgreiðslufólk.

Sigfús Orri eignaðist sitt annað barn um daginn, yndislega stúlku, fyrir þá sem ekki þekkja Orra er um að ræða stóran, fyrrum handboltastrák með ÍR sem vann lengi við að keyra út pizzur en fór svo í læknisfræði og er nú virtur gynekólok/obstetrikker í Osló, kvæntur hinni norsku Lindu og þau hafa í hyggju að flytjast búferlum til Ålesund.  Mikill missir fyrir Íslenskar konur krafta þessa mæta drengs njóti ekki við á klakanum en svona er ástin, Linda heillaði hann með norskri hnyttni og fegurð og nú nýtur Orri sín best í góðra vina hópi í Hytte med pípu þar sem hann fær að segja sannleikann.

Sjálfur er ég hálf fréttalaus, vinn og safna fyrir Íslandsdvöl í sumar og fæ að vinna á LSP augndeild í 2 vikur og horfa á augu, sé ef ég er heppinn stórstjörnur eins og Óskar og Friðbert  kannske bregða fyrir...


Birgir Jakobsson í

Alveg rosalega stór póstur, 15000 starfsmenn og eitt staersta sjúkrahús Evrópu med náin tengsl vid allt Nobel apparatid, langar andvökunaetur framundan thar sem eins og venjulega thessi blessudu hús sjúkra  oftar en en ekki eru kyrkt af yfirvöldum í krónískum sparnadaradgerdum.  Hins vegar möguleiki fyrir unga kandidata ad komast ad í nám og vinnu, senda bara á hann email.


mbl.is Birgir Jakobsson ráðinn forstjóri Karolinska sjúkrahússins í Stokkhólmi
Tilkynna um óviðeigandi tengingu við frétt

Mjúk húð, málýskur og óregluleg hegðan

Diddi og Gunna sem eru sómahjón og "vinafólk" mitt fékk heimsókn í nokkra daga hér um daginn af einhverju liði og mér og Eyrúnu var boðið í mat, frábæran kjúklingarétt sem Diddi hristi fram.  Eftir að við Eyrún fórum barst talið af því hver þessi Jóhann væri eiginlega og þá fannst gestunum að ég væri kominn með vissan syngjandi rytma í röddina, þ.e.a.s sænskan hreim.  Mér hryllir við þessum tíðindum enda í fersku minni þegar maður hlustaði á sérfræðinga (t.d Halldór Jónsson ortóped, sérfræðingur í acetabulum) nýkomna úr Svíaríki með þessa alveg spes málýsku sem mætti kalla íslsvenska.  Þeir sem komu frá USA voru miklu meira kúl.  Þessi tíðindi fékk ég sama dag og ég skar hendina á mér með venjulegum pappír.  Eftir margra ára handsprittnotkun og hanskanotkun á skurðstofum eru hendurnar orðnar algerlega lausar við sigg og eftir að framleiðendur handspritts fóru að setja mýkingarefni í vökvann hef ég fengið alveg einstaklega mjúkar hendur. 

Lendi mjög oft í vandræðum þegar ég fer í gegnum dyr e-s staðar og hef Eyrúnu og hundinn Vöku með í för en hún er í bandi.  Þar ég er eins og áður hefur verið nefnt mjög "goal orientet" geng ég alltaf ákveðinn í gegnum þessa strúktúra, Eyrún vill alltaf fara fyrst og Vaka vill alls ekki vera síðust og því troðumst við oft á sama tíma í gegn, alveg með ólíkindum og mér líður alltaf dálítið kjánalega þar sem ég á nú að vera þroskaðastur af hópnum.

Vorið er að koma í Stokkhólmi og ég mæli með borginni fyrir alla sem áhuga hafa, hún er frábær á vorin og sumrin, nú verður ódýrt að fljúga og miðarnir ódýrastir á http://www.sas.se  . Upplýsingar um borgina finnast á þessum link http://www.stockholm.se/.  Árni Jón stórvinur ætlar einmitt að koma í heimsókn í seinni hluta maí en þá er komið sumar og hitinn oftast ca 23 gráður.


elegant

Loksins, hef eins og margir aðrir lent á rauðum og ósamhæfðum ljósum, ótrúlega þægilegt að keyra í Stokkhólmi þar sem göturnar hafa líka skynjara sem breyta ljósunum þ.a. maður er miklu fljótari í förum á kvöldin.
mbl.is Sameiginleg stýring á öllum umferðarljósum 2010
Tilkynna um óviðeigandi tengingu við frétt

Vídeóleigur í Svíþjóð

Með ólíkindum...bara ein góð vídeóleiga í öllu Stokkhólmsléni sem hýsir 2 milljóna bræðing.  Þetta er leigan Casablanca sem hýsir flest meistaraverk kvikmyndasögunnar en allar hinar leigurnar hafa sama úrval enda ekki vel séð að eitthvað skari framúr hér í draumalandi sósíalismans.  Það finnst nefnilega korpus sem ákveður hvað landinn vill horfa á, t.d fást engar Woody Allen myndir á leigum í allri S nema auðvital í Casablanca sem er líka eina leigan þar sem hundar meiga spássera inni, ekki bara til gleði þar sem Tíbet Spaniel hundurinn minn Vaka gelti á svarta hundinn (hatar svarta hunda) hrækti  svo á gólfið sem Eyrún var svo vingjarnleg að kalla til mín og benti meir að segja á blettinn.   Nú, þegar maður spyr spekingana af hverju menn beiti slíkri forhyggju er svarað "därför att man är galen" og ljóst að menningarforkólfar í ráðríkum ríkisnefndum ákveða menninguna í landann.  Annars eru blessaðar leigurnar á undanhaldi, nú pantar maður þetta í gegnum internet och pay per view kanala.

Sportlov sem þýðir að í eina viku taka menn sér frí og fara e-ð með börnin, oftast á skíði.  Við Eyrún verðum bara að fara næst, kannski þegar haustlofið kemur.


« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband